رسميا : ميلوش كيركيز ينتقل الي ليفربول

ليفربول خلص رسمي صفقة ضم المجري ميلوش كيركيز من بورنموث، وده على حسب كلام الصحفي الإيطالي فابريزو رومانو.

ليفربول لسه مكمل في محاولاته لتقوية الفريق قبل بداية الموسم الجديد.

وعلى حسب فابريزو رومانو، فالريدز خلصوا صفقة ضم المدافع المجري ميلوش كيركيز من بورنموث.

رومانو وضّح إن الصفقة كلفت ليفربول 40 مليون جنيه إسترليني،وإن كيركيز هيخضع للكشف الطبي خلال الأيام الجاية.

وكان اسم كيركيز مرتبط بليفربول من وقت ما الموسم اللي فات خلص.

لو كيركيز انضم رسمي لليفربول، كده هيبقى جنب زميله في المنتخب المجري دومينيك سوبوسلاي.

كيركيز لعب 41 ماتش مع بورنموث الموسم اللي فات، سجل فيهم هدفين وصنع 6.

ليفربول بيعتمد بشكل كبير على مديره الرياضي ريتشارد هيوز، اللي كان له دور كبير في جلب كيركيز لبورنموث سنة 2023 لما كان مدير رياضي هناك.

اللاعب عنده 21 سنة، وكان انضم للكمار جاي من ميلان في شتاء 2022 بـ2.7 مليون يورو، وبعدها بـ6 شهور راح بورنموث بـ17.8 مليون يورو.