أرسنال الإنجليزي اتفق مع سبورتنج لشبونة البرتغالي علشان يضم المهاجم السويدي فيكتور جيوكيريس
شبكة ذا أثلتيك البريطانية قالت إن أرسنال خلّص كل التفاصيل مع النادي البرتغالي وتم الاتفاق بينهم بشكل نهائي.
النادي اللندني قدّم عقد مدته 5 سنين علشان يضم المهاجم السويدي فيكتور جيوكيريس
فابريزيو رومانو وضّح تفاصيل الصفقة، وقال إن أرسنال عرض على سبورتنج لشبونة 70 مليون يورو، بالإضافة لـ10 مليون يورو كإضافات، يعني إجمالي الصفقة يوصل لـ80 مليون يورو.
اللاعب وافق على الانتقال لأرسنال، وأكد إنه واثق إنه يقدر يثبت نفسه ويبين إمكانياته الكبيرة في الدوري الإنجليزي.
السويدي غاب عن تدريبات الفريق يوم السبت اللي فات، وده خلى رئيس النادي يغضب ويتخذ ضده عقوبة تأديبية شديدة.
عقد جيوكيريس مع لشبونة كان المفروض ينتهي في صيف 2028. الموسم اللي فات، شارك في 52 ماتش مع الفريق، سجل فيهم 54 جون، وصنع 13 كمان.
ولعب قبل كده في إنجلترا مع برايتون وسوانزي سيتي وكوفنتري.